“Олекма” хаһыат кэрэспэдьиэнэ Валерий Малышев «Кладовая Олекмы» ХЭУо ас-үөл кэмбинээтигэр сырытта. Тэрилтэ кылаабынай технолога Матвей Фокин киниэхэ сыыры астыырга төһө үүт наадатын кэпсээтэ.
Улахан үүт кэмигэр күн аайы тэрилтэ сыахтарыгар 8,5 туонна ыаммытынан үүт кэлэр, ол иһигэр тэрилтэ икки пиэрмэтиттэн 6 туонна уонна Абаҕа, Кээччи, Өлүөхүмэ сэлиэнньэлэриттэн кэтэхтэртэн 2,5 туонна. Мантан 4 туонна үүт «Олекминское» сыыры оҥорууга туттуллар.
Сайыҥҥы кэмҥэ 1 киилэ сыыр сыаната 1467 солк.
Быйыл 6 ыйга 15 туонна сыыр оҥоһуллан, дьоҥҥо атыыламмыт.
