Горнай улууһун Бэрдьигэстээх сэлиэнньэтиттэн Васильевтар «Аҕа дойдуну көмүскээччи дьиэ кэргэнэ» номинацияҕа «Дьиэ кэргэн сыла — 2026» Арассыыйатааҕы күрэх кыайыылааҕынан буолбутун туһунан Саха сирин баһылыга Айсен Николаев MAX мессенджерга иһитиннэрдэ.
Дьиэ кэргэн аҕата Василий Андреевич Васильев анал байыаннай дьайыыга кыттыбыт, «Хорсунун иһин» мэтээлинэн, II истиэпэннээх «Эр Хоһуун» уордьанынан уонна атын бойобуой наҕараадаларынан бэлиэтэммит. Кэргэнинээн Александра Константиновналыын үс оҕону иитэллэр. Василий быраата эмиэ анал байыаннай дьайыы кыттыылааҕа, “Мужество” уордьаннаах.
Айсен Николаев дьиэ кэргэни эҕэрдэлээтэ уонна маннык ыаллар дойду киэн туттуута уонна сиэр-майгы тирэҕэ буолалларын бэлиэтээтэ.
