Арассыыйа бэрэсидьиэнэ Владимир Путин АБДь инбэлиит бэтэрээннэрэ харчынан төлөбүр оннугар социальнай өҥөнү ылалларын судургутутар сокуоҥҥа илии баттаата, диэн иһитиннэрэр ТАСС.
Урут эми ыларга эбэтэр санаторнай-курортнай эмтэниини ааһарга инбэлииттээх бойобуой дьайыылар бэтэрээннэрэ алтынньы 1 күнүгэр диэри Соцпундаҕа сайабылыанньа түһэриэхтээхтэр, ол кэнниттэн өҥөлөр кэлэр сыл тохсунньу 1 күнүттэн эрэ үлэлээн бараллар. Саҥа нуорма бу хааччаҕы устар.
Билигин инбэлиит бэтэрээннэр сулууспаттан уурайан баран, үс ый иһигэр социальнай өҥөнү ылыыга сайабылыанньа түһэриэхтэрин сөп. Көмөнү, сайабылыанньа бэриллибитин кэннэ, кэлэр ый 1 күнүттэн туталлар. Бу быраабылалар АБДь кыттыылаахтара, сулууспаттан уурайбыттарын кэннэ, биир сыл устата инбэлиитэ бигэргэтиллибит бэтэрээннэргэ эмиэ дьайаллар.
Сокуон от ыйын 26 күнүгэр олоххо киирдэ.
