Тэрээһин үөрүүлээх чааһыгар ыччат политикатыгар 2015 сыл бастыҥнарын эҕэрдэлээтилэр.
«Ыччат политикатыгар бастыҥ муниципальнай тэриллии» номинация кыайыылааҕынан «Кыыллаах нэһилиэгэ» муниципальнай тэриллии буолла.
«Сыл лидерэ» — Надежда Острякова, Өлүөхүмэтээҕи оҕо искусствотын оскуолатын педагога, Өлүөхүмэ куорат.
«Сыл ыччат общественнай тэрилтэтэ» — «Кэскил» ыччат спортивнай-сынньанар киинэ, салайааччы Валерий Гудков, Өлүөхүмэ куорат.
«Сыл доброволеһа» — Виктория Березина, Өлүөхүмэ оройуонугар «СӨ МФК» ГАУ салаатын начальнига, Өлүөхүмэ куорат.
«Сыл эдэр суруналыыһа» — Мария Григорьева, Өлүөхүмэ куорат.
«Сыл эдэр ыала» — Дьулустаан уонна Людмила Алексеевтар, Өлүөхүмэ куорат.
«Сыл бастыҥ эдэр исписэлииһэ» — Василий Лазарев, информатика учуутала.
«Ыччат баала» көрдөөх-нардаах киэһээҥи корпоративынан түмүктэннэ.
Ирина Большедворская
