«Өлүөхүмэ» аэропорт алтынньы 20 күнүттэн III кылаастаах көтөр ааллары көрүстэ. Алтынньы 23 күнүгэр саҥардыллыбыт эбийиэк бастакы пассажирдардаах рейса Дьокуускай — Өлүөхүмэ — Дьокуускай хайысханан Ан-24 сөмөлүөтүнэн оҥоһуллуоҕа. «Полярные авиалинии» хампаанньа билиэти атыылааһыны саҕалаата.
Алтынньы 21 күнүгэр Маҥан аэропортан Ми-8 бүтэһик рейсин оҥоруоҕа.
Санатар эбит буоллахха, 2021 сыл олунньу 4 күнүгэр Өлүөхүмэ аэропордугар III кылаастаах көтөр суудуналарга хааччахтааһын киирбитэ. Тустаах эбийиэккэ 2019 сыллаахха магистральнай инфраструктураны саҥардыы уонна кэҥэтии былаанынан өрөмүөн үлэтэ саҕаламмыта.
