Соҕуруу Корея Пхенчхань куоратыгар 2018 сыл олунньу уонна кулун тутар ыйдарыгар ыытыллар кыһыҥҥы XXIII-с Олимпиадаҕа уонна XII-с Паралимпиадаҕа кыттар спортсменнар Саха сирин хайыһардьыттары бэлэмниир Алданнааҕы киинигэр дьарыктаналлар.
Алдаҥҥа хайыһардьыттары бэлэмниир кииҥҥэ Россия сүүмэрдэммит хамаандата дьарыктанар. Алтынньы 13 күнүгэр манна Кытай хамаандата, кинилэр ортолоругар Кытай национальнай сүүмэрдэммит хамаандатын 4 чилиэнэ кэлиэҕэ.
Ону таһынан алтынньы 17 күнүгэр Соҕуруу Корея национальнай хамаандатын бөлөҕө кэлиэхтээх. Кинилэри хайыһарга Олимпиада чөмпүйүөнэ Михаил Девятьяров дьарыктыыр. 1988 сыллаахха Калгарига буолбут Олимпиадаҕа кыһыл көмүс мэтээли ылбыта. Бу иннинэ Саха сиригэр кэлэн дьарыктаммыта биллэр.
