“Северсталь” Саха сиригэр Өлүөнэ муостатын тутууга 8000 туоннаттан тахса тимири тиксэрдэ ‒ аныгы Россияҕа биир улахан уонна уустук инфраструктуралаах бырайыакка. Тиэйии-таһыы ирбэт тоҥ, тыйыс температура уонна тырааныспар суолларын сезонунан хааччахтааһын усулуобуйатыгар ыытылынна, диэн хампаанньаҕа иһитиннэрдилэр.
Муостаны тутууга тиэрдии сүрүн кээмэйин «Северсталь Сеть» хааччыйда. Онно ГОСТ 5781 арматура киирдэ, онон былаһааккаҕа сыбаайалары уонна ростверкалары хомуйаллар. Балар муоста тирэхтэрин туруктаах буолууларын хааччыйаллар. Коффердамнары уонна тимир конструкциялар атын элеменнэрин хомуйарга фасоннай уонна лиистээх прокат киэҥ сортамена аҕалылынна. -60°C диэри температураҕа үлэлиир конструкцияларга аналлаах тимир барыта нуормаҕа эппиэттиир.
Ону таһынан, бырайыак чэрчитинэн, «Северсталь» муоста тирэхтэрин котлованнарын тупсарарга 800 туоннаттан тахса элбэх кырыылаах Grani Pro шпунты аҕалла. Бу патеннаммыт быһаарыы уустук геологиялаах эбийиэктэргэ, Арктика эрэгийиэннэрин киллэрэн туран, бырайыактар тимири туттууларын 38%-ҥа диэри кыччатар кыаҕы биэрэр. Сакаасчыт наадыйыытыгар «Северсталь Инжиниринг» киин экспертэрэ шпунт истиэнэтин эргитэргэ анал профиль эбии оҥоһулунна, бу бырайыактыыр геометрияны чопчу тутуһууну хааччыйар уонна күрүө холбоһуктарын оҥоһуутун судургутутар.
Уһук хоту дойду усулуобуйатыгар тутуу ураты логистическай быһаарыылары уонна эбийиэк сезонунан сөп түбэһиитин учуоттаан, хааччыйыы схемаларын сиһилии ырытыыны ирдээтэ. Сайын сүрүн тимир өрүс тырааныспарынан, кыһын быстах суолунан тиэрдилиннэ. Сезон ыккардыгар кэккэ былаһааккаларга тиэрдии олох кыаллыбат этэ, онон маршруттар, кээмэйдэр уонна хааччыйыы болдьохторо эрдэттэн былааннаммыттара уонна тутуу таҥар үлэтин кыраапыгын кытта тэҥҥэ тутуллубуттара.
«Өлүөнэ муостата ‒ эрэгийиэҥҥэ логистическай төрүөтү уларытар уонна тырааныспар хааччахтан тахсарыгар кыах биэрэр федеральнай таһымнаах ураты инфраструктуралаах эбийиэк. Ирбэт тоҥ уонна экстремальнай температура усулуобуйатыгар олоххо киллэрии матырыйаалларга, инженернэй быһаарыыларга уонна хааччыйыы туруктаах буолуутугар үрдэтиллибит ирдэбиллэри туруорар. “Северсталь» бырайыагы кэлимник хааччыйар: эппиэтинэстээх конструкцияларга тымныыны тулуйумтуо прокаты уонна арматураны аҕалыыттан уустук геологияҕа анал быһаарыыларга тиийэ. Оҥорон таһаарыы кыахтар синергиялара, «Северсталь Сеть» сайдыылаах атыы-эргиэн инфраструктурата уонна «Северсталь Инжиниринг» киин экспертэрин компетенциялара дойду бөдөҥ инфраструктуралаах бырайыактарын эрэллээх партнерунан буоларбытыгар кыах биэрэр», — диэн «Северсталь» энергетическэй хампаанньалары уонна инфраструктуралаах бырайыактары кытта үлэ дириэктэрэ Дмитрий Горошков бэлиэтээтэ.
