От ыйын 23 күнүнээҕи туругунан, өрөспүүбүлүкэ үрдүнэн бас билии көрүҥүттэн тутулуга суох 30 045 туонна үүт соҕотуопкаланан, сыллааҕы былаан 50,24 % толоруллан иһэр, суруйда Саха парламент саайта.
Ааспыт сыл туһааннаах кэмигэр 30 038 туонна үүт туттарыллыбыта, онон көрдөрүү 7,86 туоннанан тупсарыллыбыт.
Өрөспүүбүүкэҕэ үүтү тутан астыыр 56 тэрилтэ баар. Билиҥҥитэ кыраапыктарын Ленскэй (68,9 %), Өлүөхүмэ (64,3 %), Мииринэй (60,6 %), Сунтаар (60,4 %), Мэҥэ Хаҥалас (56,1 %), Хаҥалас (53,7 %), Бүлүү (52,9 %) улуустара тутуһан иһэллэр.
Быйылгы сылга 65,7 тыһыынча туонна үүтү тутан астыыр былаан ылыллыбыта, онуоха Саха Өрөспүүбүлүкэтин социальнай-экэнэмиичэскэй сайдыытын бырагырааматын чэрчитинэн, 4,6 млрд. солк суумалаах субвенция бигэргэммититтэн 3,7 млрд. солк көрүллүбүтэ. Инньэ гынан, билигин 907,7 мөл. солк харчы эбии наада.
Билиҥҥи туругунан, муниципальнай уонна куораттааҕы уокуруктарга 2,124 млрд солкуобай харчы тиэрдилибит, ити сыллааҕы үбүлээһин кээмэйин 58 %-на. Бу туһунан Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр.
