Булуҥ улууһун киэҥ нэлэмэн туундаратыгар тэллэй быкта. Хоту дойду тэллэйэ ураты кэрэ, остуоруйаҕа көстөр, уруһуйга ойууланар курдук.
2009 сыллаахха Булуҥ улууһугар тиийбиппэр, тэллэйдии илдьэ бардылар. «Туундараҕа хатыҥ тэллэйэ элбэх», — диэтилэр.
Массыынанан тиийэн түстүбүт, хатыҥы көрдөөтүм. Онуоха аргыстарым: «Бу сыталлар дии», — диэтилэр. Онно билбитим сир кырыһынан сыыллан үүнэр хатыҥнары. Тэллэйэ бэйэтинээҕэр улахан уонна үрдүк.
Өссө биир интэриэһинэйэ — биир да үөн сиэбит тэллэйэ суоҕа.
Хаартыска: Валерий Самойлов
