Тыа хаһаайыстыбатын министиэристибэтин иһитиннэриитинэн, бүгүҥҥү күҥҥэ 393 199 туонна от оттоммут, бу – сыл тахсар от 83 %-а. Бу туһунан edersaas.ru суруйар.
24 мөлүйүөн 652 тыһыынча солкуобай харчы көрүллэн, 16 улууска мобильнай биригээдэлэр тэриллэн ыраах учаастактарынан оттуу сылдьаллар. Министиэристибэ барыллаан ааҕыынан, оттооһун былаанын 90 %-ын толорон, онно 16 тыһыынча туонна сенаһы, 25 тыһыынча туонна сиилэһи эбэн, сүөһүнү-сылгыны кыстатар аһы-үөлү хааччынарга суоттанар.
Сайын саҕаланыытыгар илин эҥээр улуустарга курааннаан, Бүлүү эҥээр сорох нэһилиэктэр ходуһаларын уу ылан, аны хотугу улуустарга ойуур баһаара туран, оттооһун судургута суох быһыыга-майгыга саҕаламмыта.
