Дьокуускай аттыгар Өлүөнэ өрүскэ муус хамсааһына ыам ыйын 17 күнүгэр күүтүллэр. Бу туһунан ЯСИА-ҕа Саха сиринээҕи УГМС начаалынньыгын солбуйааччы — Гидрометкиин салайааччыта Татьяна Маршалик иһитиннэрдэ.
«Биһиги уһун болдьохтоох кэтээн көрүүнү тутуһабыт, тоҕо диэтэххэ, муус барыыта билигин икки учаастагынан бэлиэтэнэр — Ленскэй уонна Өлүөхүмэ оройуоннарыгар. Маннык көстүү Өлүөхүмэ өрүс эрдэ аһыллан, Өлүөнэ эбэҕэ тахсыытын кытта сибээстээх. Борогунуоска көннөрүү билиҥҥитэ суох. Ыам ыйын 15-16 күннэригэр Покровскайга, ыам ыйын 17-18 күннэригэр Дьокуускайга муус барыытын күүтэбит. Бу элбэх сыллаах орто көрдөрүүгэ чугас», — диэн Маршалик кэпсээтэ.
Ыам ыйын 12 күнүгэр Өлүөнэ арыллыытын Өлүөхүмэҕэ күүтэбит.
Санатан эттэххэ, былырыын Дьокуускайга муус барыыта ыам ыйын 15 күнүгэр саҕаламмыт, бу өр сыллаах болдьохтон эрдэ.
