29 Кулун тутар 29.03
  • -15°
  • $ 92,37
  • 99,53

Кыайыы чорооно бэҕэһээ Мэҥэдьэккэ кэллэ

09:33, 13 марта 2020
Текст:
Читайте нас на
Яндекс Новости
ЯДВ

Бэҕэһээ Мэҥэдьэк нэһилиэгэ Кыайыы Чороонун Акана нэһилиэгиттэн тутта. Бу үөрүүлээх, долгутуулаах түгэҥҥэ Ньурба оройуонун бэтэрээннэр Сэбиэттэрин бэрэссэдээтэлэ Татьяна Прокопьевна Олесова, Ытык сүбэ бэрэссэдээтэлэ Михаил Иванович Иванов, Акана нэһилиэгиттэн дэлэгээссийэ кэлэн ыалдьыттаатылар.


Тэрээһин Кыайыы обелиһыгар венок уурууттан, И.С. Егоров-Уһун Дьуона скверыгар сүгүрүйүүттэн саҕаланна. “Сарыал” оҕо саадын иитиллээччилэрэ, үлэһиттэрэ бэлэмнээбит “Кырачаан гид” бырайыагынан Аҕа дойду Улуу сэриитин 75 сыллаах үбүлүөйүгэр бэлэмнэниллибит кэпсээннэрэ киһини сөхтөрдө.


Аҕа дойду сэриитин толоонугар хас киһи уоттаах сэриигэ кыттыбытын, олоҕун толук уурбутун (сыыппараларынан), улуус, нэһилиэк киэн тутта ааттыыр дьонун, бэйэлэрин хос эбэлэрин, эһэлэрин, сэриигэ кыттыыны ылбыт байыаннай тиэхиньикэлэр, мэтээллэр, уордьаннар туһунан кэпсээтилэр.


Салгыы “Дьөһөгөй оҕото” түмэлгэ Хатыы орто оскуолатын үөрэнээччилэрин “Эдэр гид” бырайыактарынан кэпсээннэри иһиттибит. Оскуолаҕа Аҕа дойду сэриитин туһунан кэпсиир муннук ыалдьыттар болҕомтолорун тарта. Уһуйаан үлэһиттэрин толоруутугар “Махтал буоллун эһээбэр” мюзикл көрдөрдүлэр. Салгыы викторина, кэнсиэр ыытылынна.


Нэһилиэк баһылыга Егор Пантелеймонович Васильев тыыл бэтэрээнигэр Николай Дмитриевич Сергеевка Улуу Кыайыы 75 сылынан үбүлүөйүнэй мэтээли туттарда.

Аҕа дойду сэриитэ таарыйбатах дойдута, оройуона, нэһилиэгэ, ыала суох. Кини ыар тыынын, алдьатыытын киһи ааҕан сиппэт.

Баҕарабыт Улуу Кыайыыны уһансыбыт бар дьоммутугар доруобуйаны, чугас дьоҥҥут, оҕолоргут тапталларыгар уйдаран өссө да үүнэр көлүөнэҕэ сүбэ-ама, күүс-көмө буола сылдьаргытыгар.

Ааптар: Елена Саввинова, https://ulus.media/2020/03/13/kyajyy-choroono-me-edekke-kelle/

Следите за самым важным и интересным в Telegram-канале и WhatsApp-группе ЯСИА