Дьокуускайга педагог уонна настаабынньык сылынан култуура уонна искусство эйгэтигэр үлэлиир педагогтары эҕэрдэлээтилэр. Таһаарыылаах үлэлээхтэри наҕараадалаатылар, суруйар ЯСИА.
Миниистир Афанасий Ноев эҕэрдэлээтэ. Кини иһитиннэрбитинэн, быйылгыттан «За вклад в развитие образования в сфере культуры и искусства» биэдэмистибэ бэлиэтэ туттарыллар буолла.
Быйыл бу наҕарааданы ыллылар:
Абый улууһун Белая Гора бөһүөлэк оҕо искусствотын оскуолатын преподавателэ Аграфена Глушак,
Култуура эйгэтигэр үөрэх бэтэрээнэ Мария Дарбашкеева,
Ньурба оҕо искусствотын оскуолатын директора, преподаватель Елизавета Евсеева,
Чурапчы Гоголев аатынан оҕо искусствотын оскуолатын преподавателэ Клара Кириллина,
Дьокуускай № 1 оҕо искусствотын оскуолатын директоры солбуйааччы Нелли Наумова,
Музыка үрдүкү оскуолатын кафедратын сэбиэдиссэйэ Зинаида Павлова,
Мииринэй оҕо искусствотын оскуолатын преподавателэ Любовь Савицкая,
Романов аатынан Дьокуускайдааҕы художественнай колледж үөрэх чааһыгар сэбиэдиссэйэ Анна Сивцева,
Муома оҕо искусствотын оскуолатын директора Анна Федорова,
Дьокуускай № 2 оҕо искусствотын оскуолатын концертмейстера Татьяна Шипилова.
