Саха сирин суруйааччыта Максим Эверстов «Книга будущего 2023» эдэрдэр бырайыактарыгар норуоттар ардыларынааҕы куонкурус гран-при хаһаайынынан буолла.
СӨ Национальнай библиотекатын медиакиинин сотруднига куонкуруска «Максим ЛикБез» диэн подкастар серияларын көрдөрдө: литература, библиотека, саха суруйааччылара.
Кини бырайыага 500 сайаапкаттан бастыҥынан ааттанна. Максим Россиятааҕы кинигэ холбоһугар киирэригэр этии оҥоһулунна. Маны сэргэ сайын Мурманскайтан Владивостокка тиийэ буолар «Книжные маяки России» бэстибээл-турга уонна Москваҕа куонкурус финалыгар кыттыаҕа.
Максим Эверстов кыайыытынан Ил Дархан Айсен Николаев бэйэтин телеграм-ханаалыгар эҕэрдэлээтэ.
Максим Эверстов подкастарын Яндекс Музыка платформаҕа уонна библиотека сайтыгар истиэххэ сөп.
