Кинигэни атыылааччылар эрээттэрин быыстарыгар дьикти кэллиэксийэлээх даамалары көрө түстүм. Сувенирдар, шкатулкалар, магниттар, чэй, сакалаат, арыгы хаалара – барыта кинигэ быһыылаахтар. Интэриэһиргээн ыйыталаспытым – бу Белинскэй аатынан куораттааҕы киин бибилэтиэкэ үлэһиттэрин кэллиэксийэлэрэ эбит.
—Биһиги үйэбит тухары кинигэлэри кытары үлэлээбит буоламмыт, өйбүт-санаабыт син биир кинигэ диэки тартара турар эбит. Онон иллэҥ кэммитигэр кинигэҕэ сыһыаннаах сувенирдары, маллары мунньабыт. Холобур, Тулагы сэлиэнньэтигэр баар биһиги филиалбытын салайар Елена Михайловна Готовцева кинигэни ааҕа турар фигуркалары мунньар. Биллэн турар, бу манна кэллиэксийэни бүтүннүүтүн аҕалар кыах суох. Ол да буоллар, дьон кэлэн олус интэриэһиргииллэр, көрөн-истэн баран, бэйэлэрэ эмиэ мунньар буолбут дьон бааллар, — диэн кэпсиир бибилэтиэкэ информационнай-библиографическай отделын сүрүннүүр библиограба Алевтина Евдокарова.
Кинигэ бырааһынньыгар кинигэҕэ сыһыаннаах сувенирдары мунньар, айар эйгэлээх бибилэтиэкэрдэр үгүс дьон болҕомтотун тартылар.
Ангелина Васильева, “Саха сирэ” хаһыат, edersaas.ru
