Алдан уонна Нерюнгри кэлэр нэдиэлэҕэ спорт кыһыҥҥы оонньууларыгар V спартакиаданы ылаллар. Бастыҥ муниципальнай сүүмэрдэммит хамаандалар быһаарыллыахтара. 10 көрүҥҥэ күрэхтэһиэхтэрэ. Мэтээллэри араас оройуоннартан 1120 кыттааччы былдьаһыаҕа.
Ол туһунан ЯСИА суруйда.
Спартакиадаҕа 20-тэн тахса муниципальнай хамаанда кыттар, кулун тутар 25 — 31 күннэригэр буолар.
Нерюнгрига хоккей, фигурнай хаҥкылааһын, хотугу многоборье ыытыллар. Үгүс көрүҥ Алдаҥҥа буолар: хайыһар, биатлон, хайыһарынан спортивнай ориентирование, кыһыҥҥы многоборье, шорт-трек, сноуборд уонна хайа хайыһарын спорда.
