Кэбээйигэ #МЫВМЕСТЕ хамсааһын волонтердара быстах анал байыаннай дьаһалга кыттар дьон дьиэ кэргэттэригэр көмөлөһөллөр.
Анал байыаннай дьаһалга кыттар биир дойдулаахтарын дьиэ кэргэттэригэр көмөҕө кэбээйилэр куруук кытталлар, сааһыттан, профессиятыттан тутулуга суох.
«Сангарский многопрофильный лицей» тэрилтэ волонтердара уонна «Шахтёр» сынньалаҥ киинин исписэлиистэрэ байыаннай дьаһалга ыҥырыллыбыт буойун ийэтигэр оттор маһын бэлэмнээтилэр.
«Олус тэрээһиннээхтик үлэлээтилэр. Мастаан тиэйэн аҕалан баран, сааһылаатылар. Дойдум волонтёрдарыгар махтал. Мин көмөлөһөллөрүгэр сайаапка биэрбитим» — диэтэ кини.
#МЫВМЕСТЕ хамсааһын штаба улуус администрациятыгар баар, онно кэлиэххитин эбэтэр 89841217381, 89841007240 нүөмэрдэргэ 9 — 12 чааска эрийиэххитин сөп, дииллэр тэрийээччилэр, суруйда «Дабаан» хаһыат телеграм-ханаала.
