«Арт Дойду» киинэ хампаанньа «Карина» киинэ устар. Билигин сүрүн оруолга оонньуур кыыс оҕону көрдүүллэр, диэн суруйар тустаах пресс-сулууспа.
2014 сыл сайыныгар Өлүөхүмэ улууһугар Карина Чикитова Найда диэн ытын кытта сис тыаҕа муммута. Кырачаан кыысчааны 12 күн көрдөөбүттэрэ. Куттаммыт оҕочоос от быыһыгар олорорун булбуттара…
Киинэ сюжета бу дьиҥнээх олоххо буолбут түбэлтэҕэ олоҕурар.
«Киинэҕэ уһулларга 3-4 саастаах саха кыыһын көрдүүбүт. Игирэ буолаллара биһирэнэр. Сахалыы билэр, артыыстыыр талааннаах, ыттан куттаммата ирдэнэр«, — диэн суруллар иһитиннэриигэ.
Баҕалаахтар сайаапкаларын кулун тутар 1 күнүгэр диэри artdoydu.ltd@mail.com электроннай почтаҕа күүтэллэр. Оҕо толору аатын, сибээстэһэр нүөмэри, видео-билиһиннэриини уонна хаартыскалары ыытаргыт булгуччулаах.
