24 От ыйа 24.07
  • 16°
  • $ 87,3
  • 95,46

“Күрүлгэн-2016” бириэмийэ туттарылынна

16:07, 30 декабря 2016
Текст:
Читайте нас на
Яндекс Новости
ЯДВ

Быйыл тэриллибитэ уон сылын бэлиэтээбит “Күрүлгэн” уран сурук уонна публицистика сурунаалын 2016 сыллаах үлэтин түмүгүнэн бастыҥнар быһаарылыннылар.


«Поэзия” тосхолго: Саргылаана Спиридонова-Кэрэмэс Кийиитэ, Саргылаана Гольдерова-Саргы Куо, М.А. Решетникова-Мария Алексеева.

“Проза” тосхолго: Иннокентий Лукачевскай-Силис (Таатта), Дмитрий Пономарёв (Ньурба), Александр Алексеев (Сунтаар), Михаил Гоголев-Долгун (Горнай), Марфа Степанова-Морууска (Кэбээйи).

“Тылбаас” тосхолго: Наталья Михалёва-Сайа — Омар Хайям рубаиларын тылбааһын иһин.

“Уус-уран анаарыы, кириитикэ” тосхолго: Г.Е. Томская-Айыына, В.Н. Петрова-Венера.

“Чинчийии” тосхолго: М.П. Григорьев (ХИФУ) — суруйааччылар төрүччүлэрин оҥоруу иһин.

“Сурунаал үлэтигэр тирэх буолуу” тосхолго: М.И. Санникова — сурунаал эппиэт сэкирэтээрэ, А.П. Иванова — таҥааччы-дизайнер, В.В. Неустроева — ойуулааччы-иллюстратор, А.К. Попов — ойуулааччы (юмор, сатира), Р.В. Степанов — “Утум” өрөспүүбүлүкээтээҕи уопсастыбаннай тэрилтэ саайтын оҥоруу иһин (http://www.utumsakha.ru/kurulgen), М.М. Новикова — реклама менеджерэ, С.В. Филиппова — грант ылыытыгар үлэ иһин, В.Г. Семёнова (ХИФУ АФ ХИНТуоКИ) — сурунаалы үөрэтэр-чинчийэр эйгэҕэ киллэрии иһин.

Бастыҥнарга “Саха сирин суруйааччылара” ассоциация бэрэссэдээтэлэ О.Г. Сидоров, “Ситим” медиа бөлөх бас салайааччыта М.Н. Христофорова, “Күрүлгэн” сурунаал бас дьаһабыла А.Г.Гуринов-Арчылан илии баттааһыннаах туоһу сурук уонна бириэмийэ туттарылынна. Барыта 100 тыһ. солкуобайдаах бириэмийэ пуондатын “Саха сирин суруйааччылара” ассоциация хааччыйда.

Саргылаах Саҥа дьылынан! Саха уран суруга силигилии сайда турдун!

Следите за самым важным и интересным в Telegram-канале и WhatsApp-группе ЯСИА
Тутаах тыллар