ОДьКХ тэрилтэлэрэ бүгүҥҥү күҥҥэ итиини Аллайыаха, Анаабыр, Булуҥ, Аллара Халыма, Усуйаана уонна Өлөөн улуустарыгар биэрдилэр. ОДьКх уонна энергетика миниистирэ Дмитрий Садовников кэлэр нэдиэлэҕэ үөрэх дьыла саҕаланарыгар социальнай эбийиэктэргэ итиини кэмигэр биэрэри итиэннэ миэстэтиттэн, халлаан туругуттан көрөн, ититиигэ эрдэ холбонору бүгүн планерка кэмигэр эттэ.
«Бүгүн Саха сирин хотугулуу-илин өттүгэр тоҥордо, эрдэ эмиэ тымныы этэ, онон итиини биэрии кыраапыгын уларытан, дьон тоҥмотун курдук дьаһаныахха наада«, — диэтэ миниистир.
Тэрилтэ салайааччылара иһитиннэрбиттэринэн, кыстыкка бэлэм 90% туолбут, оттугу тиэйии — 60 %.
