24 От ыйа 24.07
  • 22°
  • $ 87,3
  • 95,46

Ирак делегациятын салайааччы Салам Авад Саха сирин атын планетаны кытта тэҥнээтэ

11:04, 11 июля 2016
Читайте нас на
Яндекс Новости
ЯДВ

«Азия оҕолоро» Оонньууга кыттар Ирак хамаандатын салайааччыта, Ирак национальнай олимпийскай кэмитиэтин толорор сэбиэтин чилиэнэ Салам Авад СИА кэрэспэдьиэнигэр от ыйын 10 күнүгэр Саха сирин «чөл туруктаах, үөрэхтээх уонна спортивнай регионунан» сыаналаабытын эттэ.


Салам Авад өрөспүүбүлүкэҕэ аан бастаан кэллэ. Кини Ирак делегациятын салайар уонна атын дойду хамаандаларын салайааччыларын кытта көрсүһүүлэри ыытан, дьыалабыай уонна култуурунай сибээһи олохтуур.

«Олус сөбүлээтибит: дьону, үгэстэри. Манна кэлэн баран кыратык шок ыллыбыт диэххэ сөп. Биһиги итии дойдуттан, бары өттүнэн атын тутуллаах сиртэн кэлбиппит. Онон Саха сирэ биһиэхэ атын планета курдук көһүннэ», — диэтэ кини.

Ыалдьыт Оонньуу тэрээһинин олус дьоһуннаах диир. Олус үрдүк таһымнаахтык бэлэмнэммитин бэлиэтиир. Бу спортивнай объектары бэлэмнээһин, ыалдьыттары көрсүү, күрэхтэһиилэри ыытыы. «Бачча кыра куоракка бачча улахан тэрээһини ыытыы үгүс ороскуоту көрсөрүн билэбит: үп-харчы, үлэ, өй-санаа өттүнэн», — диэн бэлиэтээтэ.

Ирак делегациятыгар 26 киһи киирсэр, ол иһигэр 17 спортсмен.

Салам Авад этэринэн, кинилэр хамаандаларыгар күүстээх боксердар уонна чэпчэки атлетикаҕа спортсменнар бааллар. Чуолаан бу көрүҥнэргэ мэтээлгэ эрэллээхтэр. Ити эрээри Саха сирин боксердарыттан уонна Саудовскай Аравия уонна Катар «легкоатлеттарыттан» сэрэхэдийэллэрин билиннэ.

Следите за самым важным и интересным в Telegram-канале и WhatsApp-группе ЯСИА