16 Ыам ыйа 16.05
  • -7°
  • $ 104,68
  • 115,6

Ил Дархан Уус-Маайа улууһун баһылыгын Александр Антипины кытары көрүстэ

17:01, 03 августа 2020
Текст:

Айсен Николаев Уус-Маайа улууһун баһылыгын Александр Антипины кытары көрүстэ. Өрүттэр улуус социальнай-экономическай сайдыытын торумнаатылар диэн Ил Дархан уонна Бырабыыталыстыба пресс-сулууспата иһитиннэрэр.


Александр Антипин улуус олоҕун-дьаһаҕын кытары билиһиннэрдэ. 11 ойуур баһаарыттан Күп нэһилиэгин таһыгар баар уоту бохсубуттар. Маныаха 51 киһи үлэлэспит. Атын уот көрдүгэннэрин салгынтан кэтииллэр, уот линияларыгар суоһаабаттарын маныыллар.

Билиҥҥитэ улууска коронавирус ыарыыта бэлиэтэнэ илик. Балыыһаҕа наадалаах эмп-томп, харыстанар таҥас-сап баар. Саҥа үөрэх сылыгар бэлэмнэнии саҕаламмыт. Оскуолалары харыстанар тэриллэринэн хааччыйыы үлэтэ бүтэн эрэр, үөрэх барыллаан кыраапыга бэлэмнэммит.

Окко былаан 51,7% туолбут. Барыта 486 киһи, 51 тиэхиньикэ үлэлиир. Улууска кураан дьыл турдар баһылык окко былааны толороллорун эттэ. Эбии аҕыс мобильнай биригээдэ тэриллибитин кэпсээтэ.

Оттук сезонугар чоҕу тиэйии үлэтэ кэмигэр баран иһэр, магистральнай линиялары өрөмүөннээһин — кэмин иннигэр.

Баһылыктар социальнай эбийиэктэри тутуу, Амма суолун өрөмүөннээһин, тутуу, волоконно-оптическай сибээс линиятын тупсарыы, сөмөлүөт тарыыбын түһэрии курдук боппуруостары ырыттылар.

Следите за самым важным и интересным в Telegram-канале и WhatsApp-группе ЯСИА
0
0