Саха сиригэр нэһилиэнньэлээх пууннары ыраастааһыҥҥа биллэриллибит икки ыйдаах үлэ түмүктэнэр, экология министиэристибэтин пресс-сулууспата иһитиннэрэр.
Икки ыйдаах ыраастаныы Саха сиригэр кулун тутар 7 күнүгэр саҕаламмыта. Бу кэмтэн муниципальнай тэриллиилэргэ 5184 субуотунньук ыытылынна, 110465 киһи кытынна. Барыта 169113,88 кубометр бөх хомулунна, 332 көҥүлэ суох сыбаалка сабылынна. 1267 контейнер былаһаакка нуормаҕа киллэрилиннэ, 8999 мас уонна 7929 сэппэрээк олордулунна.
Хамыыһыйа түмүктүүр мунньаҕа алтынньыга буолар.
Былырыыҥҥы тэрээһиҥҥэ 4491 субуотунньукка 80837 киһи кыттыбыта.
