14 От ыйа 14.07
  • 24°
  • $ 87,74
  • 95,76

«Хотугу хоһууну» айбыт Юрий Кузьмин Томпо улууһугар олорор

12:25, 10 июня 2016
Текст:
Читайте нас на
Яндекс Новости
ЯДВ

Хотугу көрүҥнэргэ кыттар спортсменнар өрөгөй ырыалаахтар. Тылын уонна матыыбын Томпо уола Юрий Кузьмин айбыта.


Юраны оскуолаҕа үөрэнэ киириэҕиттэн билэбин. Кини Байаҕантай нэһилиэгин, билигин 150-ча киһи олорор Үөгэнигэр, төрөөбүтэ. Онно ситэтэ суох орто оскуолаҕа үөрэммитэ. Улахан кылаастарга Кириэс Халдьаайыга кэлбитэ. Оҕо эрдэҕиттэн ыллыыр дьоҕурдаах. Култуура-сырдатар колледжка үөрэммитэ.

Кузьминнар бэйэлэрин кыанар дьон. Юрий ийэтин кытта бииргэ төрөөбүт Николай мас тардыһыытыгар Саха сирин бэтэрээннэргэ чемпиона, спорт маастарыгар кандидат, сахалыы атах оонньууларыгар оройуон ыһыахтарын кыайыылааҕа. Юрий сахалыы атах оонньууларыгар уонна кылгас сиргэ сүүрүүгэ оройуон ыһыахтарын кыайыылааҕа, Бүлүүгэ Манчаары оонньууларын кыттыылааҕа.

Юрий Хаандыгаҕа олоро сылдьан аны хотугу көрүҥнэринэн дьарыктана сылдьыбыта. Саха сирин сүүмэрдэммит хамаандатыгар киирэн, 2012 сыллаахха Россия чемпионатыгар кыттыбыта. Дьэ ол онно Красноярскай куоракка поеһынан айаннаан иһэн хотугу көрүҥнэргэ өрөгөй ырыатын айбыта. Бэйэтэ ону маннык кэпсиир:

2-3 күнү быһа айаннаабыппыт. Онно элбэх тренер баара, ол иһигэр ыстаарсай тренер Иннокентий Макаров, хотугу көрүҥнэргэ өрөгөй ырыатын айбыт уонна дискэҕэ устубут киһи диэбиттэрэ. Мин тугу да гынарым суох буолан айбытым, суотабайым диктофонугар уһулбутум. Красноярскайга күрэхтэһиигэ миэстэлэспэтэҕим эрээри, спорт маастарыгар кандидат нуорматын толорбутум. Дьокуускайга кэлэн Саха циркэтигэр звукооператорынан үлэлиир табаарыспар Костяҕа музыкатын оҥотторбутум. Нерюнгри куоракка буолбут хотугу көрүҥнэр чемпионатыгар ыллаабытым. Ол курдук дискэбин оҥотторо иликпин.

Ырыа үс күппүлүөттээх. Онтон биирэ:

Киһи гиэнэ бэрдэ буолан

Кырыыланан үүнэн тахсыаҥ,

Хотугу сиргэ төрөөн — үөскээн

Хоһуун буолар аналлааххын.

Хос ырыата:

Кыырайа ыстан, күөрэйэ сүүр,

Таба бырах, ыраах кыырат,

Эн, хотугу хоһуун.

Юрий билигин Кириэс Халдьаайыга оҕо-спортивнай оскуолатын директорынан үлэлээбитэ сыл буолан эрэр. Юридическай орто үөрэхтээх, Чурапчытааҕы спорт институтка үөрэнэр. Кэргэннээх, икки оҕолоох.

Следите за самым важным и интересным в Telegram-канале и WhatsApp-группе ЯСИА