21 Тохсунньу 21.01
  • -48°
  • $ 73,82
  • 83,32

Хоту сири аҕыйах ахсааннаах төрүт омуктарын бырааптарын көмүскээһин күүһүрүө

11:07, 25 октября 2016

Хоту сир аҕыйах ахсааннаах төрүт норуота үгэс буолбут дьарыга оҥоһуллар сирэ-уота Саха сирин былааһын уорганын ураты хонтуруолугар сылдьар. Айылҕа харыстабылын уонна гражданскай уопсастыба институтун сайыннарыы министиэристибэтэлэрэ Хоту сир аҕыйах ахсааннаах норуоттарын бырааптарын көмүскүүр үлэни күүһүрдэргэ анаммыт дуогабара түһэристилэр.


«Түһэрсиллибит сөбүлэһиигэ үгэс буолбут дьарыкка айылҕаны туһаныыга, ураты харыстанар сирдэргэ, сир баайын хостооччуларга этнологическай экспертизаны тупсарыыга уонна иһитиннэриилэринэн арыаллыырга туһуламмыт үс сүрүн хайысханы олохтоотубут», — диэтэ айылҕа харыстабылын миниистирэ Сахамин Афанасьев.

Гражданскай уопсастыба институтун сайыннарыы миниистирэ Сардаана Гурьева Саха сиригэр эрэ аҕыйах ахсааннаах норуоттар барыыптарын көмүскүүр этнологическай экспертиза баарыгар болҕомтону тарта.

Уһук Илиҥҥэ гектар сири босхо биэрии федеральнай сокуона ылыллыбыт кэмигэр норуот үгэс буолбут дьарыга оҥоһуллар сиригэр-дойдутугар, айылҕатыгар сыһыаннаах сөбүлэһии ураты улахан суолталааҕын мунньах кыттыылаахтара бэлиэтээтилэр.

0
0
21 января 21.01
  • -48°
  • $ 73,82
  • 83,32