24 От ыйа 24.07
  • 25°
  • $ 87,3
  • 95,46

ХИФУ уопсайдарыгар киириигэ докумуоннары тутуу саҕаланна

18:01, 24 августа 2020
Текст:
Читайте нас на
Яндекс Новости
ЯДВ

ХИФУ устудьуоннарыттан уопсайга киириигэ докумуоннары балаҕан ыйын 4-гэр диэри тутуохтара. Балаҕан ыйын 8 күнүгэр уопсайга киирии бирикээстэрэ тахсыахтара. Докумуоннары устудьуон онлайн биэрэр. 


Быйыл уопсайга 1 691 бастакы куурус устудьуона киирэрэ былааннанар. Күҥҥэ 70 устудьуон уопсайга киириэ. Манна олохтоохтор медицинскэй көрүүнү, баһаартан сэрэхтээх буолууга, ис быраабылаҕа уонна коронавирустан харысхаллаах буолууга инструктаж ааһыахтара.

Тоҕуорууһуну таһаарбат туһуттан уопсайга киириигэ испииһэк, кыраапык олохтонуо. «Уопсайга киириэх иннинэ устудьуоннар 2975 солк төлөбүрү итиэннэ кыраапык быһыытынан Мединститут клиникатыгар COVID-19 анаалыһын туттарыахтарын наада«, — диир студенческай куорат дириэктэрэ Степан Павлов.

Үрдүкү куурус устудьуоннара уопсайга балаҕан ыйын 15 күнүн кэннэ үгэс быһыытынан үөрэнэр туһунан бирикээс таҕыстаҕына биирдэ киириэхтэрэ. 9№-дээх уонна Губина, 5 уопсайдарга олохсуйуохтаах устудьуоннар эпидемиологическай турук тупсуор диэри атын корпустарынан көһөрүлүннүлэр.

Следите за самым важным и интересным в Telegram-канале и WhatsApp-группе ЯСИА