22 От ыйа 22.07
  • 30°
  • $ 88,02
  • 96,04

Хат буолууга, төрөөһүҥҥэ босуобуйа кээмэйэ икки төгүл үрдүөҕэ

15:39, 23 октября 2023
Читайте нас на
Яндекс Новости
ЯДВ

2024-2025 сылларга хат буолууга уонна төрөөһүҥҥэ босуобуйа кээмэйэ балтараа, икки төгүл үрдүөҕэ диэн Социальнай пуонда салайааччыта Сергей Чирков Федерация Сэбиэтин Парламентскай истиилэригэр иһитиннэрдэ.

Ол курдук, бу босуобуйа кээмэйэ 2024 сылга балтараа төгүл, 2025 сылга икки төгүл улаатыахтаах.

Социальнай пуонда 2024 сыллааҕы бүддьүөтэ 16 тирллион солкуобайга тэҥнэһиэҕэ, онон страховой уонна социальнай биэнсийэ кээмэйэ тохсунньуттан муус устарга диэри 7,5 бырыһыан үрдүөҕэ.

Социальнай пуонда Саха сиринээҕи салаата иһитиннэрбитинэн, быйыл 5690 ийэҕэ хат буолууга уонна төрөөһүҥҥэ босуобуйа бэриллибит. Сыл саҕаланыаҕыттан кинилэргэ барыта 1,1 миллиард солкуобай төлөммүт.

Бу босуобуйа кээмэйэ дьахтар хамнаһыттан, төрөөһүн төһө уусутугуттан, о.д.а. тутулуктаах. Билиҥҥи туругунан, үлэлиир ийэлэр кыччаабыта 73 853 солкуобайы, саамай улааппыта (муҥутуур улахан кээмэйэ) 530 976 солкуобайы ылаллар. Бу муҥутуур үрдүк кээмэйдээх босуобуйаны 194 күннээх хат буолууга уһун уоппусканы ылбыт ийэлэр уонна төрөөһүн уустуктук ааспыт буоллаҕына, ылаллар. Бу маннык босуобуйа саҥа төрөөбүт  оҕону иитэ ыллахха, эмиэ ананар.

Ангелина Васильева, Саха сирэ

Следите за самым важным и интересным в Telegram-канале и WhatsApp-группе ЯСИА