Олунньу 2 күнүгэр Дьокуускайга олимпийскай чемпион, аан дойду биэс төгүллээх чемпиона Хаджимурат Гацалов кэллэ. Биллиилээх тустуук ааспыт сыл бүтүүтэ Саха Өрөспүүбүлүкэтин көҥүл тустууга сүүмэрдэммит хамаандатын тренер-консультанынан анаммыта, суруйар Спорт Якутии.
Хаджимурат Гацалов өрөспүүбүлүкэ сүүмэрдэммит хамаандатын тренердэрин штабын кытта саха тустууктарын эппиэтинэстээх стартарга бэлэмниэхтэрэ.
Олунньуга саха тустууктара Уһук Илиҥҥи уокурук чемпионатыгар кыттыахтара, кулун тутарга олимпиада иннинээҕи Россия чемпионата буолуоҕа. Күрэхтэһиилэр Улан-Удэҕэ түһүлгэлэнэллэр.
Эрчиллиилэр «Триумф» спортивнай комплекска ыытыллаллар.
