24 От ыйа 24.07
  • 28°
  • $ 87,3
  • 95,46

Хаджимурат Гацалов: "Саха сирин тустууктара бөдөҥ наҕараадаларга талаһаллара уолдьаста"

13:01, 13 января 2021
Текст:
Читайте нас на
Яндекс Новости
ЯДВ

Аан дойду биэс төгүллээх чөмпүйүөнэ, Олимпиада кыайыылааҕа Хаджимурат Гацалов бэҕэһээ Ил Дарханы кытары социальнай ситиминэн кыттыгас быһа тахсыытын кэмигэр Саха сирин тустууктара бөдөҥ наҕараадаларга талаһаллара уолдьаспытын эттэ.


«Иккис, үһүс миэстэлэринэн бэйэбитин уоскутунан бүтүөхтээхпит, улахан күрэхтэргэ үрдүк кыайыылары ситиһиэхтээхпит», — диэтэ кини.

«Спортка ситиһиилэрим Саха сиригэр түстэммиттэрэ. Бастакы кыһыл көмүс мэтээлбин Дьокуускайга ылан турабын. Онтон «кынаттанан» Европа, аан дойду, онтон Олимпиада чөмпүйүөнэ буолуталаабытым. Билигин «куорсун анньыммыт» дойдубар ити ситиһиилэри төннөрөр соруктаахпын. Манна спортка олоҕурбут үгэстэр, үчүгэй спортсменнар, тренердар, чаҕылхай холобурдар бааллар. Кинилэри кытары үрдүк көрдөрүүлэргэ үлэлиирбит наада», — диэтэ Хаджимурат Гацалов.

«Быйыл хас эмэ чэпчэки ыйааһыҥҥа киирсэр спортсмены дойду сүүмэрдэммит хамаандатыгар киллэрэргэ үлэлэһиэхпит. Спортсменнар кыахтаахтар, кинилэр кыһыл көмүс мэтээллэри ылалларыгар санааларын бөҕөргөтөр сорук турар», — диэтэ тренер.

Следите за самым важным и интересным в Telegram-канале и WhatsApp-группе ЯСИА