21 Муус устар 21.04
  • $ 93,44
  • 99,58

«Хаар айан – Саха сирин Кубога»: ньурбалар уонна намнар бастыҥнар

10:01, 03 апреля
Текст:
Хаартыска: Саха сирэ саайт
Читайте нас на
Яндекс Новости
ЯДВ

Сыл ахсын «Хаар айан – Саха сирин Кубога» экстрим-күрэхтэһии элбэх кыттааччыны уонна көрөөччүнү түмэр. Быйыл  күрэхтэһиигэ 15 инжектордаах уонна 15 карбюратордаах мотуордаах УАЗ массыыналар хаһаайыттара күөн көрүстүлэр.

Бу тэрээһин аан бастаан 2003 сыллаахха Чурапчы улууһун Бахсы нэһилиэгэр Барашков Иннокентий Федорович тэрийиитинэн буолбута. Күрэхтэһии билигин юридическай ыстаатыстаах, регистрациялаах, хас да улууска күрэхтэһиини ыытар, тэрийэр көҕүлүүр дьонноох, бэрэстэбиитэллэрдээх. Эрэгийиэннээҕи улахан уопсастыбанан буолар. 2019 сылтан Саха Өрөспүүбүлүкэтин чөмпүйэнээтэ ыытыллар ыстаатыһын ылбыта. Күрэхтэһии сылын аайы кэккэ улуустарга эмиэ ыытыллар буолла. Онно  хорсун санаалаах суоппардар өрөспүүбүлүкэ араас муннугуттан тоҕуоруһаллар.

Ол курдук, кулун тутар 31 күнүгэр Мэҥэ Хаҥалас улууһун Төҥүлү нэһилиэгэр «Хаар айан — Саха сирин Кубога» массыына успуордун трофи-рейд көрүҥэр өрөспүүбүлүкэтээҕи кыһыҥҥы чөмпүйэнээтэ буолан ааста. Кытааччылар сүүмэрдиир күрэхтэһиини ааһаннар, УАЗ массыыналарынан «Экстрим гонки», «Кольцевая гонка», «Супер экстрим» түһүмэхтэргэ кииристилэр.

Хаартыска: Ньурба ыччата ТГ ханаалтан
  • 1 түһүмэх: «Инжектор» —  1 миэстэ «Навигатор» (Ньурба улууһа), 2 миэстэ «Дархан» (Сунтаар улууһа), 3 миэстэ «Форвард» (Таатта улууһа). «Карбюратор»   — 1 миэстэ «Ураган» (Нам улууһа), 2 миэстэ «Сити Хантер» (Өлүөхүмэ улууһа), 3 миэстэ «Бэдэр» (Сунтаар улууһа).
  • 2 түһүмэх. «Инжектор» – 1 миэстэ «Навигатор» (Ньурба улууһа), 2 миэстэ «Майя Хантер» (Мэҥэ Хаҥалас улууһа), 3 миэстэ «Форвард» (Таатта улууһа). Карбюратор» — 1 миэстэ «Ураган» (Нам улууһа), 2 миэстэ «Вулкан» (Нам улууһа), 3 миэстэ — «Тигр» (Таатта улууһа).
  • 3 түһүмэх: инжектор 1 миэстэ «Форвард» (Таатта улууһа), 2 миэстэ «Мустанг» (Чурапчы улууһа), 3 миэстэ «Хитман» (Мэҥэ Хаҥалас улууһа). «Карбюратор» — 1 миэстэ «Ураган» (Нам улууһа), 2 миэстэ  — «Дьураа Хара» (Мэҥэ Хаҥалас улууһа), 3 миэстэ «Вулкан» (Нам улууһа).

Өрөспүүбүлүкэ чөмпүйүөнүн үрдүк аатын сүктүлэр уонна сүрүн бириистэринэн наҕараадаланнылар:

«Инжектор» —  «Навигатор» (Ньурба улууһа). «Карбюратор»  — «Ураган» (Нам улууһа).

Ааптар: Василий Прокопьев, Саха сирэ саайт.

Следите за самым важным и интересным в Telegram-канале и WhatsApp-группе ЯСИА