12 Атырдьах ыйа 12.08
  • 17°
  • $ 60,62
  • 62,52

"Хаар айан" күрэхтэһии кулун тутар 27 күнүгэр Нөмүгүгэ буолуоҕа

16:28, 15 марта 2021
Текст:

Хаҥалас улууһа кулун тутар 27 күнүгэр аан бастакытын «Хаар Айан — Саха сирин Кубога» трофи-рейд кыһыҥҥы өрөспүүбүлүкэтээҕи чемпионатын ыытыаҕа. Күрэхтэһии кыттыылаахтарын Нөмүгү Ааныгар көрсүөхтэрэ.


«Хаар Айан» – УАЗ массыыналаахтар экстремальнай күрэхтэрэ.

Хаҥалас улууһун баһылыга Олег Иринеев бэлиэтээбитинэн, оройуон маннык таһымнаах күрэхтэһиини ыытара — улахан чиэс. «Чемпионат ыытылларын тухары хаҥаластар куруук кытталлар. Бу бырайыак массыынаны таптаан ыытааччыларга чахчы күүтүүлээх-кэтэһиилээх тэрээһин буолар. Биһиги күрэхтэһии үрдүк таһымҥа ыытылларыгар кыахпытын ууруохпут, дьон өр өйдүү-саныы сылдьалларын курдук тэрийиэхпит», — диэтэ кини.

Сайаапкалар киирэн эрэллэр: Дьокуускайтан, Хаҥаластан, Ньурбаттан, Намтан, Тааттаттан, Чурапчыттан, Амматтан, Мэҥэ Хаҥаластан, Уус Алдантан, Бүлүүттэн, Өлүөхүмэттэн. Кыттыы туһунан биллэриини кулун тутар 20 күнүн хабан туран туталлар.

Кулун тутар 27 күнүгэр түһүлгэҕэ бэлиэтэнии санитарнай ирдэбили тутуһан ыытыллыаҕа. Массыынаны «Өлүөнэ очуостара» диэн тиэмэлээн киэргэтиигэ куонкурус буолуоҕа.

10.30 чааска старт бастакы түһүмэххэ «УАЗ-спринт» бэриллиэҕэ, 12.30 чааска иккис түһүмэх — «Автобиатлон», 15.00 чааска үһүс түһүмэх «Дрэг-рейсинг» саҕаланар, 13.00 чааска — «Автоэстафета». 17.00 чааска «Автоледилар» суолга тахсыахтара, Хаҥалас улууһун пресс-сулууспата суруйар.

Следите за самым важным и интересным в Telegram-канале и WhatsApp-группе ЯСИА
0
0