Покровскай библиотекатыгар «Сахалыы сайгыччы саҥаран» кулууп тэрийээччилэрэ литературнай аудиоиспиктээктэри уонна аудиокинигэлэри сахалыы тылынан оҥоруу бырайыагын саҕалаатылар. Айымньылар доруобуйаларыгар хааччахтаах дьоҥҥо ананаллар этэ эрээри, Хаҥалас оройуонун атын олохтоохторо эмиэ интэриэһиргээтилэр, диэн СИА библиотека пресс- сулууспатыгар сигэнэн иһитиннэрэр.
Аудио-кинигэ дьон интэриэһин тардыбытын туһунан, библиотека саайтыгар элбэх киһи киирэр буолбута уонна сэҥээрээччилэр сыанабыллара туоһулуур диэн бырайыагы тэрийээччилэр бэлиэтииллэр. Сотору кэминэн Хаҥалас киин библиотекатыгар саҥа виртуальнай долбуура саҥа айымньыларынан толоруллуоҕа.
«Сахалыы сайгыччы саҥаран» кулууп ааҕааччылара Павел Харитонов-Ойуку «Хоболоох суол» романын, Анатолий Харлампьев «Хоппуруон чулку» кэпсээннэрин, Егор Федоров-Долун «Хопто хаһыыта» диэн сэһэнин, Анна Варламова-Айысхаана «Кэмсилгэн» сэһэнин, Исай Никифоров «Күн тахсыыта» кинигэтиттэн кэпсээннэрин уонна Алексей Кулаковскай Хаҥалас улууһугар анаммыт үс айымньытын: «Ойуун түүлэ», «Саха интеллигенциятыгар сурук», «Өрүс бэлэхтэрэ» аудио кинигэ оҥорон таһаарыахтара.
