Алтынньы 5 күнүгэр Хаҥалас оройуонун «Умнас» суолун 35-с километрыгар үс массыына кыттыылаах саахал таҕыста. Суоппартан биирдэстэрэ эчэйиини ылла. Бу туһунан оройуоннааҕы ГИБДД иһитиннэрэр.
Бэрэбиэркэ кэннэ биллибитэ, УАЗ- 315148 массыына сыыры тахсан иһэн, аара айаннаан испит улахан МАN массыынаны кытары харсыспыт. Ол түмүгэр УАЗ утары суолга тахсан таһаҕас тиэйэр «СИТРАК» массыынаҕа баран түспүт.
Саахал түмүгэр УАЗ- 315148 массыына суоппара эмсэҕэлээбит. Суоппардар бары өйдөөх айаннаан испиттэр.
