Хаҥалас улууһугар бүгүҥҥү күҥҥэ 693 тонна от бэлэмнэннэ. Быйыл былырыыҥҥытааҕар от хаамыыта тэтимнээҕин улуус дьаһалтатын пресс-киинэ иһитиннэрэр.
Хаҥалас улууһугар быйыл 39 тыһ. тонна от бэлэмнэниэхтээх. “От үлэтэ тэтимнээхтик саҕаланна. Хаһаайыстыбалар үчүгэй бэлэмнээхтэрин көрдөрдүлэр. Былааннаммыт от кэмигэр хомулларыгар бары сырабытын ууруохпут”, — диэн улуус баһылыгын солбуйааччы Олег Иринеев этэр.
Улуус үрдүнэн окко 340 киһи, 162 техника үлэлиир. Хаҥалас отчуттара сүөһү аһын хаачыстыбалаахтык хомуйарга болҕомтолорун уураллар.
