Хаҥалас оройуонун Мохсоҕоллоох бөһүөлэгэр 3 уонна 1,5 саастаах оҕолору ийэлэрэ 27 чаас устата уута да аһа да суох соҕотохтуу дьиэлэригэр хаалларбыт. Оҕолор ийэлэрин утары холуобунай дьыала тэрилиннэ, диэн СИА-ҕа Саха сирин прокуратуратын пресс-сулууспата кэпсиир.
Соҕотох хаалбыт оҕолору кыбартыыраҕа аймахтара булбуттар. Силиэстийэ сабаҕалыырынан, ийэлэрэ арыгылыы барбыт. Кини төрөппүт эбээһинэһин тустаахтык толорботоҕор уонна кыра саастаах оҕолору кутталга хаалларыыга буруйданар.
Холуобунай дьыаланы суукка ыыттылар. Оҕолор оҕо тэрилтэтигэр сылдьаллар, оттон дьахтар төрөппүт быраабыгар хааччахтанар.
