16 Ыам ыйа 16.05
  • -7°
  • $ 104,68
  • 115,6

"Хаҥалас-Ас" сыыр оҥорор сыах аһыа

12:01, 29 июля 2020
Текст:

«Хаҥалас-Ас» тыа хаһаайыстыбатын кооператива бу күннэргэ сыыр оҥорор сыаҕы аһыаҕа. «Булуус» диэн ааттаах сыыры өрөспүүбүлүкэ бары улуустарыгар атыылыахтара диэн СИАҕа Хаҥалас улууһун пресс-сулууспата иһитиннэрэр.  


Сыыры Кыһыл үрүйэ нэһилиэгэр оҥоруохтара. Хачыкаат нэһилиэгин дьаһалтата сыахха анаан туттуллубакка турбут дьиэни биэрбит. «Сыах сотору кэминэн үлэлээн барыа. Өрөмүөн үлэтэ үмүрүйэн, оборудование таҥыллан бүттэ. Хаҥалас улууһун дьаһалтата тыа сирин сайыннарыыга көхтөөх дьону, тэрилтэлэри өрүү өйүүр», — диир оройуон баһылыгын солбуйааччы Олег Иринеев.

Кооператив толорооччу дириэктэрэ Валентин Иванов сыах ыам ыйыттан балаҕан ыйыгар диэри үлэлиир буолуон туһунан этэр. Бу ыйыллыбыт кэмҥэ ынах үүтэ белогунан баай буоларынан быһаарыллар. Сыахха билигин биэс киһи үлэлиир. «Булуус» диэн ааттаах сыыр өрөспүүбүлүкэ бары улуустарыгар атыыланар буолуо.

«Хаҥалас-Ас» өрөспүүбүлүкэ биир бастыҥ кооператива буолар. Тэрилтэ быйыл иккис сыаҕын арыйар. Бэс ыйыгар Булгунньахтаахха эти, балыгы, сир аһын астыыр сыаҕы үлэҕэ киллэрбитэ.

Следите за самым важным и интересным в Telegram-канале и WhatsApp-группе ЯСИА
0
0