29 Кулун тутар 29.03
  • -13°
  • $ 92,26
  • 99,71

Гранулаламмыт от: Технологияны тутуһуҥ!

16:33, 01 февраля 2023
Текст:
Читайте нас на
Яндекс Новости
ЯДВ

Бу сарсыарда убаһалар өлө сыталларын устубут видео тарҕанна. Таатта улууһун Кыйытыгар үс убаһа гранулаламмыт оту сиэн өллө диэбиттэр.

Бу төһө кырдьыгын билээри, биһиги Кыйы нэһилиэгин дьаһалтатыгар быһа сибээскэ тахсыбыппытыгар, тыа хаһаайыстыбатын исписэлииһэ Күннэй Турнина хомойуох иһин, ити баар чахчы буоларын эттэ.

Биир бааһынай хаһаайыстыба баһылыга кыстата хаалларбыт үс убаһатыгар аһары элбэх гранулаламмыт оту кутан кэбиспит. Быраабылатын быһыытынан, гранулаламмыт от үс төгүл үллэр эбит, ол туһунан итинник оту атыыласпыт дьоҥҥо барыларыгар өйдөтүү-быһаары үлэтэ ыытыллыбыт. Инньэ гынан ыаллар сүөһүлэрин сарсыарда өттүгэр алаас отунан аһатар, күнүс уулатан баран, долборукка алаас отун кыратык уурар, ол үрдүгэр биир лиитэрэлээх куруусканан кэмнээн, гранулаламмыт оту кутан биэрэр эбиттэр. Оттон ити сылгыһыт далга биир куулу барытын кутан кэбиһэн, кыстата хаалларбыт үс убаһатыттан илиитин соттубут. Ааспыт сайын алаастара курааннаан, кыйылар окко былааннарын 92 %-ын толорбуттар, татым оттоох ыаллар хардарыта мэнэйдэһэн кыстыыр отторун син хааччыммыттар, онно эбэн гранулаламмыт оту атыыласпыттар.

Быйыл элбэх улуус хаһаайыстыбалара маннык оту атыыласпыттара, онон бу түбэлтэ атыттарга сэрэтии буоллун: гранулаламмыт оту сүөһүгэ-сылгыга технологиятын тутуһан сиэтиҥ, исписэлиистэр сүбэлэрин-амаларын истиҥ. Кыһын моонньо уһун.

Ааптар: Раиса Сибирякова, Сахапарламент, тыа хаһаайыстыбатын министиэристибэтин телеграм-ханаала

Следите за самым важным и интересным в Telegram-канале и WhatsApp-группе ЯСИА