19 От ыйа 19.07
  • 21°
  • $ 87,88
  • 96,1

Горнайга спартакиада бирииһин улаатыннарары туруорсаллар

10:40, 29 февраля 2016
Текст:
Читайте нас на
Яндекс Новости
ЯДВ

Сир-сир ахсын сырдык ыралаах, төһө да сааһырдаллар уопсай дьыала, кэлэр кэскил туһугар сүүрэ-көтө сылдьар дьон баар буолаллар. Горнайга биир оннук киһинэн, бэйэтин кэмигэр улуус бастыҥ суоппарынан ааттаммыт Одуну нэһилиэгин олохтооҕо Н.П. Федоров буолар. Төһө да кинини эдэригэр сүгэ-көтөҕө, тустан хачымахтаһа, сүүрэн кылбаҥната сылдьарын көрбөтөх иһин, спорт диэн баран муннукка ытаабыт киһи.


Ордук кэлин хайыһар спордун сайыннарыыга ураты үтүөлээх. Бэйэтэ ис сүрэҕиттэн кыһаллан, спонсордары булаттаан араас күрэхтэһиилэри тэрийтэрэр. Биир улахан мунньахха билиҥҥи Ил Дархаммыт Егор Борисовка итэҕэтиилээхтик туруорсан, уоттаахтык-төлөннөөхтүк тыл этэн, УАЗ массыына бириистэтэн турар.

Кини быйыл Одунуга СӨ Бырабыыталыстыбата отчуоттуур мунньаҕар кыһыҥҥы спартакиада туһунан маннык эттэ:

Икки сылга биирдэ буолар спартакиада сыллата тэрээһинэ тупсан иһиэхтээх. Өрөспүүбүлүкэ элбэх улууһа кыттар. Мин санаабар, бирииһэ олох кыра. Ааспыт сырыыга биһиги улуус иккис миэстэ буолбуппутугар, 200 тыһ. солк. биэрбиттэрэ. 50-ча киһини ити үлүгэрдээх ыраах сиргэ илдьии, бэлэмнээһин, айана, олордуута олус ороскуоттаах. Онон быйыл хайаан да бастаабыт хамаандаҕа бирииһин биир мөл. солк. гыныахха. Оччоҕо кэм кэлэр өттүгэр көхтөөх буолуо этэ. Саныыбын ээ, оннооҕор ат сүүрдүүтүгэр, кыайбыт биир акка, биирдии мөл. солк. биэрэллэр. Оттон ыччаттарбытыгар, чөл олоҕу бүтүн өрөспүүбүлүкэҕэ пропагандалыыр хайыһар спордун, атын да көрүҥнэргэ кыттыбыт 50-ча киһилээх хамаандаҕа итиччэни аныыллара тоҕо сатаммат буолуой?! 

Үп-харчы кырыымчык диир буоллахха, ити эргиннээҕи Россияҕа киэҥник биллэр промышленнай тэрилтэлэри Нерюнгри чоҕун хостооччулары, Алдан көмүһүнэн аатырааччылары кытыннарыахха, көрдөһүөххэ. Санааларын уурдаллар хайа баҕарар көмөлөһүө этилэр.

Следите за самым важным и интересным в Telegram-канале и WhatsApp-группе ЯСИА