29 Сэтинньи 29.11
  • -33°
  • $ 60,75
  • 63,3

Горнай улууһугар "Ситим» сайдыы киинэ аһылынна

Сэтинньи 23 күнүгэр, Т. П. Саввинова аатынан Горнай улууһун Өрт модельнай библиотекатын базатыгар коллективнай үлэҕэ аналлаах «Ситим» сайдыы киинэ аанын тэлэччи аста. Нэһилиэк инники сайдыытын торумнуур уонна олоххо саҥа идеялары киллэрэргэ биир санаалаах дьон ситимнээх үлэтин тэрийэр, түмэр эйгэ тэрилиннэ.

Өрөспүүбүлүкэҕэ бу кэскиллээх үлэни Национальнай библиотека, «Индустрия будущего» АНО сүрүннүүр. Улууска маннык эйгэ П.Д. Аввакумов аатынан киин библиотекаҕа баар уонна бу иккис аһыллынна. Уопсайа өрөспүүбүлүкэҕэ бэһис киин буолла.

«Ситим» Солоҕон сайдар эйгэтин уопуттаах библиотекарь, бырайыактыыр үлэҕэ анал үөрэҕи ааспыт Анна Дормидонтова салайан үлэлэтэр. Олохтоох библиотека республика 15 бастыҥ тыа сирин культуратын тэрилтэлэригэр 100 000 солк субсидията, улуус дьаһалтата 175 000 солк. туһаныллан миэбэл, оборудование ылыллыбыт.

СӨ Национальнай библиотекаттан нэһилиэк биир бастыҥ ыччата, методист Анна Туварова быһа холбонон эҕэрдэлээтэ. Салгыы эҕэрдэ тылы Солоҕон нэһилиэгин баһылыга Александра Александрова, С.И.Тарасов аатынан Өрт орто оскуолатын директора Прокопий Тимофеев, «Индустрия будущего» АНО директора Иван Степанов эттилэр.

«Бүгүн биһиги сэлиэнньэбитигэр бэлиэ, долгутуулаах күн – «Ситим» сайдыы саҥа миэстэтин арыйыы уонна Саха Республикатыгар бэһис нүөмэрдээх буолла. Бу киэҥ далааһыннаах бырайыак көмөтүнэн төрөөбүт сэлиэнньэни сайыннарыыга элбэх идеялары, бырайыактары олоххо киллэриэхпит», — диэн баһылык Александра Александров бэлиэтээтэ.

-Үөрүүлээх тэрээһин кэнниттэн тыа сирин олохтоохторун бастакы бииргэ үлэлээһиннэрэ – «Тыа сирин саҥа тыынын»стратегическай сессията ыытылынна.

Айталина Санникова, «Үлэ күүһэ» хаһыат хаартыската туһанылынна

Следите за самым важным и интересным в Telegram-канале и WhatsApp-группе ЯСИА
1
0