29 Тохсунньу 29.01
  • -48°
  • $ 73,82
  • 83,32

Евгений Чекин Эбээн Бытантай оройуонун сайдыытын тула баһылык Иван Гороховтыын кэпсэттилэр

12:30, 13 июня 2017
Текст:

Өрөспүүбүлүкэ премьер-миниистирэ Евгений Чекин Эбээн Бытантай национальнай оройуон баһылыгын Иван Гороховы кытары көрүстэ. Сүрүннээн Баатаҕай Алыытыгар сүүс ынах турар комплексын тутуутун быһаарыстылар.


Өрүттэр дьыалабыай кэпсэтиилэригэр бырабыыталыстыба баһылыгын бастакы солбуйааччы-тыа хаһаайыстыбатын уонна ас-үөл бэлиитикэтин миниистирэ Петр Алексеев кыттыыны ылла.

Иван Горохов Эбээн Бытантай национальнай оройуон социальнай-экономическай сайдыытыгар суолталаах кэккэ боппуруостары таарыйда. Ол иһигэр, Баатаҕай Алыытыгар сүүс ынах турар комплексын тутууга тохтоото. Санатан эттэххэ, бу комплекс тутуута Инвестиционнай бырагырааманан 2017 с. үбүлэниэхтээҕэ итиэннэ 2018-2019 сс. үлэҕэ киллэриллиэхтээҕэ эрээри, бүддьүөтү хаттаан көрүүгэ сотуллан хаалбыта.

Бырабыыталыстыба баһылыга Евгений Чекин боппуруоһу сиһилии истэн баран, ороскуоту аччатыынан сибээстээн, быйылгы сылга саҥа тутуу ыытыллыбатын эттэ итиэннэ комплекс тутуутун Тыа хаһаайыстыбатын уонна ас-үөл бэлиитикэтин министиэристибэтин таһымынан быһаарарга сорудахтаата.

Эбээн Бытантай баһылыга Иван Горохов итини таһынан эһиил бэлиэтэнэр эбээн чулуу уола, биллиилээх политическай деятель Роман Иванович Шадрин төрөөбүтэ 125 сылын көрсө былааннанар дьаһаллар уонна ыытыллар тэрээһиннэр тустарынан кэпсээтэ.

0
0
29 января 29.01
  • -48°
  • $ 73,82
  • 83,32