16 От ыйа 16.07
  • 23°
  • $ 87,81
  • 95,78

Эстафета Орто Халыматтан Үөһээ Дьааҥыга туттарылынна

11:24, 22 апреля 2016
Текст:
Читайте нас на
Яндекс Новости
ЯДВ

Муус устар ыйы СӨ Култуураҕа уонна духуобунай сайдыыга министиэристибэтэ бу эйгэҕэ үлэлиир ыччат ыйынньыгынан биллэрбитэ. Ыйынньык чэрчитинэн өрөспүүбүлүкэ үрдүнэн Тупсарыы сылыгар аналлаах эстафета салҕанан бара турар.


Муус устар 21 күнүгэр Орто Халыма улууһун култууратын эйгэтигэр үлэлиир эдэр ыччат Булуҥ улууһун ыччатыттан эстафетаны тутан, экологическай субуотунньукка таҕыста. Ол курдук Берёзовка айан суолугар мунньуллубут бөҕү-сыыһы, ону кытта Хатыҥнаахтыыр суолга улахан массыыналар тохтуур сирдэригэр тиийэн хомунна.

Субуотунньукка „Халыма долгуннара“ хаһыат, „Кулума“ сынньалаҥ киин, Оҕо искусствотын оскуолатын, кииннэммит библиотека эдэр үлэһиттэрэ таҕыстылар. Кинилэргэ Айылҕа харыстабылын инспекциятын уонна „Халыма“ айылҕа паркатын үлэһиттэрэ көмөлөстүлэр.

Бу күн уопсайа 23 куул бөх хомулунна. Субуотунньук түмүгэр Орто Халыма улууһун култууратын ыччата эстафетаны Үөһээ Дьааҥы улууһун ыччатыгар туттарда.

 

Следите за самым важным и интересным в Telegram-канале и WhatsApp-группе ЯСИА