21 От ыйа 21.07
  • 23°
  • $ 88,02
  • 96,04

Электроннай пааспардары 2023 сылтан биэриэхтэрэ

Читайте нас на
Яндекс Новости
ЯДВ

2023 сыл тохсунньутуттан Арассыыйаҕа электроннай пааспардары биэрэн саҕалыахтара. Ол туһунан Арассыыйа ИДьМ миграциятын боппуруостарыгар сүрүн салалтатын начальнига Валентина Казакова «Милицейская волна» радиостанция эфиригэр иһитиннэрдэ, диэн Арассыыйа хаһыата суруйар.

Былаан быһыытынан, маннык пааспардары 2023 сыл от ыйыттан биэриэхтээх этилэр.

Бастакы түһүмэххэ 100 тыһыынчаттан итэҕэһэ суох пааспардары туттарыахтаахтар. Саҥа докумуону 14 саастарыттан саҕалаан баҕалаах дьон ылыахтарын сөп.  Бастакынан электроннай пааспарынан Москва олохтоохторо туһаныахтара. Киин куоракка, пилотнай бырайыак чэрчитинэн, быйыл ахсынньы 1 күнүттэн сайаапка биэрэр кыахтаахтар.

Валентина Казакова бэлиэтээбитинэн, электроннай пааспар статуһа көннөрү пааспарга тэҥнэһэр.  Докумуон тас көрүҥэ пластиковай карта курдук буолуоҕа, манна киһи хаартыската уонна төрөөбүт күнэ ыйыллыаҕа. Уратыта диэн пааспарга киһи тарбаҕын суолун киллэриэхтэрэ, тулалыыр дьоҥҥо ол көстүбэт буолуоҕа. Бу дааннайдары картаҕа киирэр чипка угуохтара. Маны таһынан, электроннай пааспарга  массыына ыытар быраабын дастабырыанньата киирэрэ былааннанар.

Следите за самым важным и интересным в Telegram-канале и WhatsApp-группе ЯСИА
Тутаах тыллар