Саха сиригэр балаҕан ыйын 1 — ыам ыйын 31 күннэригэр уопсастыбаннай тырааныспарга элбэх оҕолоох ыал оскуолаҕа үөрэнээччитэ босхо айанныаҕа. Бэрээдэги тырааныспар министиэристибэтигэр бигэргэттилэр.
Куорат дьаһалтатыгар эппиттэринэн, элбэх оҕолоох ыал оскуолаҕа үөрэнээччитэ барыта айанныыр кыахтаныаҕа, критерийдэринэн хааччахтааһын суох буолуоҕа. Анал каарталар бэлэмнэниэхтэрэ.
Босхо айан 96-та айаҥҥа көрүллүөҕэ, салгыы баар тарыыбынан бэйэтэ төлөөн сылдьыаҕа.
Бэлиэтииллэринэн, 2024 сыл кулун тутар 28 күнүнээҕи туругунан, Дьокуускайга 10 901 элбэх оҕолоох ыал баар, кинилэргэ 16 160 оскуола саастаах оҕо иитиллэр.
