Саха сиригэр 34 тыһыынчаттан тахса элбэх оҕолоох ыал баар. Кинилэргэ 118 тыһыынчаттан тахса оҕо иитиллэр. Бэс ыйын 13 күнүгэр парламентарийдарга Ил Дархан Айсен Николаев бэлиэтээбитинэн, 2030 сылга элбэх оҕолоох ыал дьадайыытын таһыма үс бүк кыччыахтаах.
«Ийэ буолууну уонна оҕо аймаҕы өйүүргэ үбүлээһин 2018 сылтан аҕыс төгүл улаатта уонна 29,5 млрд солк тэҥнэстэ. Олох хаачыстыбатын тупсарыыга, 2030 сылга диэри дьадайыыны кыччатыыга соруктар тураллар», — диэтэ Айсен Николаев.
Ааспыт сылга Саха сирэ оҕо төрөөһүнүн көрдөрүүтүнэн регионнар ортолоругар топ-10 киирбитэ. «Дойду үрдүнэн оҕо төрөөһүнүн таһыма түһэ турдаҕына биһиги көрдөрүүбүт биир кэм. Сыл саҕаланыаҕыттан өрөспүүбүлүкэҕэ 4718 оҕо төрөөтө, ол иһигэр 55 иккилии игирэ уонна биир үстүү игирэ», — диэтэ Айсен Николаев.
