«Сокуон барылын алтынньыга киллэрдэхтэринэ даҕаны, ол ылыныллыбытынан ааҕыллыбат. Судаарыстыбаннай эксээмэн көрүҥүнэн түмүктүүр аттестация киэбэ суох, бу олус ороускуоттаах. Билигин БКЭ-ни туттарыы инфраструктурата барыта оҥоһуллан турар. Электроннай киэпкэ көһөргө элбэх оҥоһулунна. Хас да сыл буолла информатиканы компьютерга туттарбыттара, искусственнай интеллект көмөтүнэн бэрэбиэркэлээһин баар, маны тэҥэ кэтээн көрөөччүлэр пуллара олохтонно», — диэтэ Ирина Абанкина.
«Билигин БКЭ-ни тупсарыы үлэтэ барар. Холобур, олимпиада кыттыылаахтара профильнай предметтэригэр 75-тэн итэҕэһэ суох бааллаах буолуохтаахтар. Бу оҕо олимпиаданы кыайан баран, БКЭ-нэн бигэргэнэр систиэмэлээх билиитэ баар буоларын ирдиир», — диэтэ эксперт.
Институт диретора эппитинэн, үрдүк үөрэх кыһалара уонна оскуолалар эксээмэн саҥа киэбигэр бэлэмэ суохтар. «Эксээмэн туттарыытын саҥа киэбэ киирэн хааллаҕына, бэлэмэ суохтар, сыана туруорааһыныгар критерийдар да суохтар. Онон күһүн көрүллэр сокуон барыла инникитэ суох дии саныыбын. Буолаары буолан, «Биир ньыгыл Россия» уонна «Новые люди» баартыйалар бу сокуон барылыгар илии баттаабатылар», — диэтэ кини.
