29 Тохсунньу 29.01
  • -48°
  • $ 73,82
  • 83,32

Егор Борисов: "Азия оҕолорун" атын судаарыстыбаҕа ыытыы кинилэр таһымнарын үрдэтиэ

Тэрийэр кэмитиэт эрдэ «Азия оҕолоро» Оонньууну ыытар бэрээдэгин оҥорбута. Онно этиллэринэн, уочаратынан тас дойдуларга уонна Дьокуускайга буолуохтааҕа. Кэлэр VII-с Оонньуу 2020 сылга, барыллаан, Монголияҕа буолуо. Бу туһунан Егор Борисов «Саха» НКИК ханаалыгар эттэ.


«2011 сыллаахха  Оонньуу дойдутунан Саха сирэ буоларын биһиги тэрийээччилэри кытта бигэргэппиппит. 2012 сыллаахха тэрийэр кэмитиэт штаба Дьокуускайга тэриллибитэ. Онно биһиги хас Оонньуу кэнниттэн кэлэр уочараты тас дойдуларга ыытыыны былааннаабыппыт. Ол кэнниттэн эмиэ Дьокуускайга. Ол аата 2020 сылга «Азия оҕолоро» Монголияҕа ыытылыннаҕына, 2024 сылга Дьокуускайга ыытыллар. Онтон эмиэ атын судаарыстыбаҕа. Онон биһиги Оонньууну сүтэрбэппит, таһымын үрдэтэбит», — диэтэ Егор Борисов.

Ил Дархан 2015 сылга Дьокуускайга 20-тэн тахса национальнай олимпийскай кэмитиэт салайааччылара кэлэ сылдьыбыттарын санатта. «Кинилэр бары Саха сиригэр норуоттар икки ардыларынааҕы күрэхтэһии таһыма үрдүгүн бэлиэтээбиттэрэ. Маны Азия Олимпийскай сэбиэтин президенэ шейх Ахмад Аль-Сабах бигэргэтэр«, — диэтэ Саха сирин Аҕа баһылыга.

0
0
29 января 29.01
  • -48°
  • $ 73,82
  • 83,32