19 От ыйа 19.07
  • 16°
  • $ 87,88
  • 96,1

Егор Борисов Андрей Мотовиловы кытта "Азия оҕолорун Оонньууларын" тула кэпсэттилэр

17:17, 10 июня 2016
Текст:
Читайте нас на
Яндекс Новости
ЯДВ

Ил Дархан Егор Борисов Уһук Илиҥҥэ Россия президенин бэрэстэбиитэлин солбуйааччыта Андрей Мотовиловы кытта көрүстэ.


Егор Борисов өрөспүүбүлүкэҕэ буола уонна буолаары турар сүрүн тэрээһиннэр тустарынан кэпсээтэ. «Сайыҥҥы сүрүн тэрээһиммитинэн 1996 сылтан Саха сиригэр ыытыллар «Азия Оҕолоро» 6-с спортивнай Оонньуулар буолаллар», — диэтэ кини.

Кэнники кэмҥэ күрэхтэһии Норуоттар икки ардыларынааҕы Олимпийскай кэмитиэт уонна Азия Олимпийскай Сэбиэтин өйөбүллэринэн ыытылларын иһитиннэрдэ.

Санатар эбит буоллахха, Оонньуулар от ыйын 5-17 күннэригэр Дьокуускай куоракка ыытыллаллар. Онно 38 тас дойдуттан уонна 8 Россия регионуттан 4000 киһи кыттара былааннанар, ол иһигэр 16-та уонна онтон кыра саастаах 2800 спортсмен. Бырагыраамаҕа 22 спорт көрүҥэ киирэр.

Көрсүһүүгэ СӨ бырабыыталыстыбатын бэрэссэдээтэлин солбуйааччы Александр Соловьев, Саха сиригэр федеральнай инспектор Николай Лебедев, СӨ спордун миниистирэ Михаил Гуляев, «Азия Оҕолоро» Оонньуу дирекциятын салайааччы Владимир Максимов кыттыыны ыллылар.

Следите за самым важным и интересным в Telegram-канале и WhatsApp-группе ЯСИА