Үөһээ Бүлүү улууһун Хоро сэлиэнньэтин олохтооҕо Нина Тимофеева Кыайыы күнүн көрсө дьиэтин таһын киэргэттэ.
«Нина Васильевна — олус айар куттаах киһи. Сылын аайы биир дойдулаахтарын араас толкуйунан үөрдэр. Ааспыт сылга кини кумааҕыттан Олоҥхо сюжетын кырыйбыта, маастарыстыбатынан дьону сөхтөрбүтэ. Кыайыы күнүн көрсө дьиэтин ааспыт сылга эмиэ киэргэппитэ, онтун тупсаран биэрэн иһэр», — диэн ЯСИА-ҕа Нина Тимофеева биир дойдулааҕа кэпсээтэ.
