23 От ыйа 23.07
  • 28°
  • $ 87,78
  • 95,76

Үөһээ Бүлүү улууһугар дьарыктаах буолуу киининэн ааспыт сылга 378 киһи үлэ булбут

Хаартыска: ЯСИА саайта
Читайте нас на
Яндекс Новости
ЯДВ

Үөһээ Бүлүү улууһугар нэһилиэнньэ дьарыктаах буолуутун хааччыйар киин үлэтин туһунан тэрилтэ салайааччыта Николай Петров иһитиннэрбитинэн, ааспыт 2023 сыл устата бу тэрилтэҕэ 531 киһи үлэ көрдүү тиийэ сылдьыбыт. Онтон 378 киһи үлэ булбут.

Күн бүгүн улуус үрдүнэн 95 үлэтэ суох киһи учуокка турар. Онтон 32 киһи үлэтэ суоҕунан босуобуйа ыла олорор.

Уопсастыбаннай үлэни тэрийии бэрээдэгинэн, 6 үлэтэ суох киһи быстах үлэҕэ үлэлээтэ. Ол иһигэр 3 киһи төлөбүрдээх үлэҕэ сырытта.

14 саастарыттан саҕалаан сокуоннай саастарыгар диэри оҕолор араас быстах үлэлэргэ бырагыраамаҕа хабыллан үлэлээтилэр.

73 үлэтэ суох киһи араас кылгас кэмнээх куурустарга үөрэннилэр.

Үлэ буларга ыарахаттары көрсөр доруобуйаларынан хааччахтаах эбэтэр элбэх оҕолоох дьонтон 10 киһи үлэнэн хааччыллыбыт.

Промышленнай тэрилтэлэргэ үлэҕэ киирэргэ анаан 4 киһи үөрэнэн үлэ булбута.

Билигин үлэтэ суох, үлэ көрдөнөр дьон учуотугар турбут киһиэхэ босуобуйа алын кээмэйэ 2577,60 солк., үрдүкү кээмэйэ 21982,40 солк. Биэнсийэҕэ тахсыан иннинээҕи саастаах дьоҥҥо төлөнөр босуобуйа 21982,40 солк. тэҥнэһэр, суруйда «Үөһээ Бүлүү» хаһыат.

Следите за самым важным и интересным в Telegram-канале и WhatsApp-группе ЯСИА