Үөһээ Бүлүү улууһа хапсаҕайдьыт Никита Константинович Докторов-Бычырдаан, Василий Иннокентьевич Степанов-Буучугурас, Алексей Петрович Васильев-Мордьонноохоп ааттарынан киэн туттар.
Хапсаҕай — саха омугар бастакы нүөмэрдээх спорт национальнай көрүҥэ буолар. Бу көрүҥҥэ урут уруккуттан Үөһээ Бүлүү бөҕөстөрө инники күөҥҥэ сылдьаллара. Олортон саамай аатырбыт хапсаҕайдьыттарынан Н.К. Докторов-Бычырдаан, В.И. Степанов-Буучугурас, А.П. Васильев-Мордьонноохоп биллэллэр. Бу үс бөҕөс бэйэлэрин кэмнэригэр сүдү күүстэринэн, сымса хамсаныыларынан тэҥнээхтэрин булбатах, саха норуотугар номох буолбут киирсиилэрдээх чулуулар буолаллар.
Спорт эйгэтигэр сүдү кылааттарын киллэрбит ааттаах-суоллаах хапсаҕайдьыттарын үйэтитиигэ үөһээ бүлүүлэр былааннаах үлэни ыыталлар. Сотору кэминэн Үөһээ Бүлүү стадионун иннигэр албан ааттаах хапсаҕайдьыттары уйэтитэр пааматынньыктары туруоруохтара.
Билиҥҥи туругунан оҥоһуу маннык буолан турар:
